今條片終於告一段落🥺🔥🔥
最終上到YouTube熱門#5 都覺得好離奇😂
因為成段片又粗口又攬又錫又嘔😘
但都想喺度多謝好多人！
首先多謝當日幫我地拍挑戰部分嘅菊花同Gigi，因為嗰日現場可以話係地獄嚟🙈
Label 每做一陣歌就罷工話要瞓陣，我又長期同啲死物講緊嘢，大家每十五分鐘又嘔一次👅
真係辛苦佢地兩個幫我拍埋落去💓
然後我真係好佩服Label，雖然佢個人鳩咗少少，但嗰晚醉到企唔穩嘅狀況下去錄音，佢都可以攞啲聲嚟整到首歌真係CLS😂
當然要多謝嘅 @collective_41 團隊🎥幫我地拍咗呢個MV，記得一開始搵佢地拍嘅時候，佢地問我拎首歌，我諗咗好耐究竟會唔會畀佢地笑🤦🏻♂️ 但佢地收到首歌，真係好認真咁去度點拍👍🏻 最深刻印象係佢地團隊唔係香港人，大家都唔太識講廣東話，但憑住「Nice」「This is good」「I Like It」最終都好開心咁完成到個拍攝🤪💛
最後要多謝一個為呢條片付出咗好多嘅嘉琪❤️ 我經常諗一啲好無厘頭嘅嘢，例如今次MV想整個雷鬼頭⚡️，嘉琪就真係拎個地拖頭慢慢整，慢慢噴色，最後真係整咗出嚟！嗰時我就知道佢係一個天才道具師👩🏻🦰 好多謝佢一一將我嘅諗法實現🤎
另外MV中大家有留意嘅話，其實我地搵咗架車返嚟拍😂 而車主就係我髮型師Wilson架車，佢真係有義氣到凌晨一點揸架車出嚟搵我地，仲要買埋嘢飲畀我地，真係好窩心！
最後想多謝Hugo借咗件皮草大褸畀我著，福富幫我手去拎道具，仲有Label嘅朋友仔啊Kung拍嘢當日嘅幫手💓
無咗任何一個人嘅參與，都唔會拍到呢條片出嚟畀各位觀眾睇🔥
期待下一次的拍攝，期待令你地再次睇片笑到抖唔到氣！
Search